Навоий шаҳрида Ўзбекистон Республикаси Олий Мажлиси Сенати Кенгашининг 2020 йил 30 декабрдаги қарорига асосан, Сенаторлар ва халқ депутатлари маҳаллий Кенгашлари депутатлари, Сенат ҳузуридаги Ёшлар парламенти аъзоларини жисмоний тарбия ва спортга кенг жалб қилиш, улар ўртасида соғлом турмуш тарзини шакллантиришга қаратилган “Парламент ўйинлари”нинг минтақавий босқичи бўлиб ўтди.

Унда спортнинг волейбол, мини футбол, бадминтон ва стол тенниси турлари бўйича Навоий, Бухоро ва Самарқанд вилоятлари жамоалари ўзаро куч синашди.  

Қизиқарли ва муросасиз курашларга бой тарзда ўтган мусобақалар якунига кўра, волейбол, мини футбол ва бадминтон бўйича Навоий, стол тенниси бўйича эса Самарқанд вилояти жамоаси ғолибликни қўлга киритди. Энди улар “Парламент ўйинлари”нинг республика босқичида иштирок этади.  

Ғолиб ва совриндор жамоалар “Диплом” ва эсдалик совғалари билан тақдирланди .  

А.Бўриев, ЎзА