Тошкент вилоятидан пойтахтга 9 та йўналишда экспресс автобус қатновини ташкил этиш бўйича белгиланган режа доирасида Паркент шаҳридан йўловчиларни тўғридан-тўғри метро бекатигача етказиб қўядиган йўналиш ташкил этилди.

Мазкур экспресс автобус Паркент автошоҳбекатидан Янги Ўзбекистон боғи орқали "Машинасозлар" метро бекатига қадар ҳаракатланади. Айни пайтда мазкур йўналишда қатновларни ташкил этиш мақсадида "Parkent ATS" МЧЖ томонидан 5 та янги ISUZU NP 26 автобуслари сотиб олинди. Бу йўналишда аҳолига хизмат кўрсатиш учун жами 8 дона автобус бириктирилган. Қатновлар тонгги соат 5:50 дан бошланади. Автобуслар 15 дақиқалик оралиқ интервал билан ҳаракатланади. Қатнов давомида экспресс автобус фақатгина Янгибозор автошоҳбекатида тўхтаб ўтади. Масофаси 35 километр бўлган ушбу йўналишда йўлкира нархи 6 минг сўм этиб белгиланган.  

А.Мусаев, ЎзА.