Өзбекстан Республикасының Президенті Шавкат Мирзиёевтің Францияға мемлекеттік сапары қарсаңында Париж қаласындағы «Intercontinental» қонақүйінде Өзбекстан – Франция туризм форумы және «Өзбекстан – Жібек жолының жауһары» таныстырылымы өтті.

Туризм комитеті ұйымдастырған іс-шараға Францияның туризм басқармасы, екі елдің кәсіпкерлері, дипломатиялық корпус өкілдері және медиа мамандары қатысты.

Форумның негізгі мақсаты – Өзбекстан мен Франция арасындағы туризм саласындағы ынтымақтастықты жаңа деңгейге көтеру, кәсіпкерлер арасында іскерлік байланыс орнату және Өзбекстанға туристер легін арттыру.

«Өзбекстан – Жібек жолының жауһары» таныстырылымы барысында қонақтарға республиканың туризм саласындағы даму перспективалары, туристік инфрақұрылымды жетілдіруге бағытталған шаралар, сондай-ақ саяхатшыларға қолайлы жағдай жасау үшін енгізілген жаңалықтар туралы ақпарат берілді.

«Uzbekistan Airways» әуе компаниясы форум аясында логистикалық мүмкіндіктер мен қолданыстағы әуе рейстерін таныстырып, туризмді дамытудағы рөлі, жаңа бағыттар және жоғары сапалы қызмет көрсету мүмкіндіктері туралы мәліметтер ұсынды.

Форум аясында екі елдің бизнес өкілдері арасында B2B форматында кездесулер ұйымдастырылды, онда ынтымақтастық мүмкіндіктері талқыланып, туристік ағынды арттыру бойынша өзара келісімдер жасалды.

Бұл келіссөздер екі елдің туризм саласындағы кәсіпкерлеріне әріптестік орнату және жаңа жобаларды дамыту үшін кең мүмкіндіктер ашты.

Сонымен қатар, Францияның туристік компанияларының өкілдері соңғы жылдары Өзбекстанда туризм саласында жүргізілген реформалардың нәтижелерімен, жаңартылған инфрақұрылыммен және мәдени мұра нысандарымен танысты.

Форумға қатысушылар Өзбекстанның бай мәдениеті мен дәстүрін бейнелейтін ұлттық әуендер мен билерді тамашалап, өзбек аспаздары дайындаған ұлттық тағамдардан дәм татты.