Париж қаласында Шығыстың төрт ойшылы: Әл-Хорезми, Ибн Сина, Әбу Райхан Беруни және Мырза Ұлықбекке құрметіне арналған «Зиж – шоқжұлдыздар әуені» премьерасы өтті.

Парижде Әбу Райхан Берунидің өмірі мен шығармашылығына арналған көрменің ашылуына байланысты ЮНЕСКО-ның штаб-пәтерінде атақты композитор Дмитрий Янов-Яновский шығармашылығының әлемдік премьерасы өтті. Композитор «Зиж – шоқжұлдыздар әуені» шығармасын Шығыстың төрт ұлы ойшылдары: Әл-Хорезми, Ибн Сина, Әбу Райхан Беруни және Мырза Ұлықбекке құрметіне жазған.

Мәдениет және өнерді дамыту қоры ұйымдастырған музыкалық жобада Алибек Қабдурахманов жетекшілік ететін Өзбекстан Ұлттық симфониялық оркестрі өнер сүйер қауымды өз өнері арқылы Өзбекстанның тарихи мұрасының жаңа қырларымен таныстырды.

– Маңызды оқиға – ЮНЕСКО штаб-пәтерінің тарихи ғимаратында Өзбекстан ұлттық симфониялық оркестрінің концертін өткіздік. «Зиж – шоқжұлдыздар әуені» атты тамаша музыкалық шығарманы орындадық, Сирек кездесетін шығармаларда ұлы ғұламаларымызға қатысты сюжеттер өрнектеледі. Ұйымның бас кеңсесінде шара өткізу, әсіресе Өзбекстан атынан қатысу біз үшін үлкен мәртебе,– дейді Өзбекстан мемлекеттік филармониясының ұлттық симфониялық оркестрінің дирижері Алибек Қабдурахманов.

Оркестр құрамында 7-8, халық аспаптары бағытында 11 музыкант қатысқан болып, шығарма 14 бөлімнен тұрады, әр бөлім белгілі бір жұлдызға арналған.

Осылайша ғұлама ғалым Әбу Райхан Берунидің туғанына 1050 жыл толуына орай кезекті ірі мәдени шара ұйымдастырылды. Музыкалық шығармалар, өзбек ұлттық әуені кешке қатысушыларға үлкен әсер сыйлады. 

- Мен бүгінгі кеште ЮНЕСКО-ның концерттік залында емес, аспанда жұлдыздармен бірге ұшқандай болдым, – деді шетелдік көрермендердің бірі. – Өзбек музыкасын тыңдай отырып, мен сіздің еліңіздің бірегей тарихи өнері, мәдениеті, дәстүрімен әлем жұртшылығын баурап алатынын мойындадым. Расында, Франция мен Өзбекстанның өнері бір-біріне өте ұқсас, музыкамыздың әуені де жарасымды.

Өзбекстан ұлттық симфониялық оркестрінің өнері көрермендерді үлкен ғылыми жаңалықтар атмосферасына шарлады. 

Осылайша, Парижде өткен «Әбу Райхан Беруни. Географиялық және зияткерлік саяхаттар» тақырыбындағы төрт күнге созылған көрме аяқталды.

<iframe width="560" height="315" src="https://www.youtube.com/embed/R2Wip55KJxk?si=wjeflOFX-ICeiq2C" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Бехруз Худайбердиев, ӨзА

Франция,  Париж.