XXXIII ёзги Олимпия ўйинларининг ўн иккинчи кунги мусобақалар сарҳисобига кўра, АҚШ спортчилари 27 та олтин, 35 та кумуш, 32 та бронза, жами 94 та медаль билан ҳамон умумжамоада пешқадамлик қилмоқда.

Хитой олимпиячилари 25 та олтин, 23 та кумуш, 17 та бронза, жами 65 та медаль билан 2-ўринда бораётган бўлса, Австралия спорт делегацияси 18 та олтин, 12 та кумуш, 11 та бронза билан кучли учликка якун ясаган.   

200 дан ортиқ давлат орасида Ўзбекистон жамоаси 1 та олтин ва 2 та бронза медалига эга бўлган ҳолда 43-қаторда бормоқда.   

Юртимиз боксчиларининг 5 нафари медаллар учун курашни шиддат билан давом эттираётганини, олимпиячиларимизнинг умумий медаллар сони 8 тага етгани давлатлар кесимидаги ўрнимиз камида 15-20 талик оралиғида бўлишидан далолат дейиш мумкин.   

Т.Рўзиев, ЎзА