2023 жыл 17 қазанында «Париж-2024» жазғы Олимпиада ойындарына қатысуға велоспорттан UCI шоссесі бойынша Олимпиада алдындағы рейтингтік қорытындысы аяқталды.

18 қазанда «UCI» жаңартылған рейтингтік кестесі жарияланды.

Оған сәйкес, Өзбекстан велоспорт федерациясы «Париж-2024» Олимпиадасына қатысуға 4 жолдамаға ие болды. Нақтырақ айтсақ, тас жолда топтық жарыста әйелдер құрамасы 3 лицензия, ерлер командасы 1 жолдама алған.

Естеріңізге сала кетейік, бүгінге дейін бұл спорт түрінен Олимпиада ойындарына Өзбекстан велоспорт федерациясы 4 жолдамаға ие болмаған.