Дүниежүзілік таэквондо федерациясы Париж-2024 жазғы Паралимпиада ойындарының лицензиялық рейтингін жариялады.

Ондағы рейтинг бойынша, өзбекстандық 5 пара-таэквондошы алғаш рет Паралимпиада ойындарының жолдамасына ие болды. 

Нақтырақ айтар болсақ, Зиёда Исакова (-47 келі), Гүлжаной Наимова (+65 келі), Зухриддин Тахиров (-63 келі), Жавохир Аликулов (-70 келі) және Асад Тоштемиров (-80 келі) сынды паралимпиадашылар Өзбекстан атынан қатысады.

Айта кетейік, Өзбекстан делегациясы «Токио-2020» жазғы Паралимпиада ойындарының паратаэквондо бағдарламасына 3 спортшымен қатысқан болатын.