Шу кунларда Франция пойтахти Парижда XXXIII ёзги Олимпия ўйинларига қизғин тайёргарлик кўрилмоқда.

Бугунгача Ўзбекистон олимпиячиларининг 86 нафар спортчиси Олимпия ўйинларининг 19 та спорт турида Ватанимиз шарафини ҳимоя қилиш ҳуқуқини қўлга киритди.

Ушбу кўрсаткич мамлакатимиз олимпиячиларининг ўтган тўрт йиллик ўйинлардаги энг яхшиси эканлигини таъкидламоқ лозим. Таққослаш учун, 1996 йили океан ортида ўтган Атланта Олимпиадасида 71 нафар спортчимиз иштирок этганди.

Миллий олимпия қўмитаси «Париж-2024»нинг ўзига хос рекордлари борасидаги айрим маълумотларни эълон қилди.

Унга кўра, бу йил делегациямиз таркибидаги ёши энг улуғ ва ёзги Олимпия ўйинларида энг кўп иштирок этган спортчи сифатида 44 ёшли велоспортчи Ольга Забелинская эканлиги келтириб ўтилган.  

Осиё ўйинлари ғолибаси О.Забелинская Париждаги мусобақада гуруҳ пойгаси ҳамда шахсий вақт учун алоҳида старт пойгасида Ўзбекистон шарафини ҳимоя қилади.

Эслатиб ўтамиз, ёзги Олимпия ўйинлари 26 июль-11 август кунлари бўлиб ўтади.

Т.Рўзиев, ЎзА