Fransiya Prezidenti Emmanuel Makron yozgi Olimpiya o‘yinlarining tantanali ochilish marosimi xavfsizligiga tahdid yuzaga keladigan bo‘lsa, tadbir “Stad de Frans” stadioniga ko‘chirilishi mumkinligini bildirib o‘tdi.

Hozircha Parij-2024 tashkiliy qo‘mitasi Fransiya Prezidentining fikriga munosabat bildirganicha yo‘q. 

Ma’lumot uchun, Parijdagi Olimpiya o‘yinlari joriy yilning 26-iyulidan 11-avgustigacha bo‘lib o‘tadi. O‘yinlar davomida xavfsizlikni ta’minlash uchun 20 minggacha harbiy xizmatchilardan foydalanish rejalashtirilgan.

T. Ro‘ziyev, O‘zA