2024 yili Fransiya poytaxti Parijda o‘tadigan yozgi Olimpiya va Paralimpiya o‘yinlari uchun umumiy hisobda 13,4 million dona chipta sotuvga chiqariladi.

Bu haqda Parij-2024 o‘yinlarini o‘tkazish tashkiliy qo‘mitasi xabar berdi.  

Xabarda aytilishicha, chiptalarning 10 milliontasi Olimpiya o‘yinlari, 3,4 milliontasi esa Paralimpiya o‘yinlarining tomoshabinlari uchun mo‘ljallangan.

Mazkur chiptalar sotuvi raqamli platforma orqali yo‘lga qo‘yiladi. Bu musobaqani tomosha qilish uchun keladigan muxlislarga qo‘laylik yaratishi maqsadida amalga oshirilmoqda. Platforma sotuvi tenderga qo‘yilgan bo‘lib, uni yutib olish uchun Fransiyadagi 3 ta yirik kompaniya raqobat olib bormoqda.  

Olimpiya o‘yinlari chiptalarning bir milliontasi 24 yevro (26,5 AQSH dollari) dan sotilsa, Paralimpiya o‘yinlari uchun mo‘ljallangan 500 ming dona chiptaning har biri 15 yevro (16,5 AQSH dollari) bahosida sotilishi kutilmoqda. 

T.Ro‘ziyev, O‘zA