Хитой мезбонлигида ўтаётган Параосиё ўйинларининг илк куни спортчиларимиз учун муваффақиятли кечмоқда.

Ўйинларнинг пара таэквондо бўйича вазни 48 килограммгача бўлган аёллар баҳсида Зиёдахон Исоқова кумуш медални қўлга киритди. Эркаклар орасидаги 58 кг. вазн тоифасида (К44) Санжарбек Мухторов бронза медаль соҳиби бўлди.  

Шунингдек, пара енгил атлетиканинг F57 йўналиши найза улоқтириш баҳсида Ёрқинбек Одилов кумуш, Т13 классида 100 метрга югуриш баҳсида Дониёр Аҳмедов, узунликка сакраш бўйича Т11 йўналишида Урганчбек Эгамназаров, клаб улоқтириш F32 классида Сарвар Азимов бронза медалини делегациямиз ҳисобига қўшиб қўйди.  

Пара дзюдо беллашувларида вазни 48 кг.гача (J2) бўлган аёллар ўртасида Лобар Хуррамова бронза медали билан тақдирланди. 

Шу тариқа медалларимиз сони 5 олтин 4 кумуш ва 7 бронзага етди.  

Жавоҳир Тошхўжаев, ЎзА