Бугунги кунда паралимпиячиларимиз эришаётган улкан ғалабалар мамлакатимизда аҳолининг ижтимоий ҳимояга муҳтож қатламига кўрсатилаётган алоҳида эътибор самарасидир. Жисмоний имконияти чекланган ёшларни ҳар томонлама қўллаб-қувватлаш, уларга моддий ва маънавий кўмак бериш, билим олиши, саломатлигини мустаҳкамлаши, ўз қизиқиш ва интилишига мос касб-ҳунар эгаллаши, спорт билан шуғулланишига қаратилаётган доимий эътибор туфайли спортчиларимиз куч ва салоҳиятда ҳеч кимдан кам эмаслигини исботлаб келаётир. Юртимизда жисмоний имконияти чекланган ва ногиронлиги бўлган шахсларнинг, шу жумладан, ёшларнинг спорт билан шуғулланишлари учун зарур шарт-шароитлар яратиш, уларнинг халқаро спорт майдонларида муносиб иштирокини таъминлаш борасида кенг кўламли ислоҳотлар амалга оширилмоқда.

Соҳада амалга оширилаётган бу каби ислоҳотлар самараси паралимпиячиларимизнинг жаҳон ва қитъа чемпионатларида, Паралимпия ва Параосиё ўйинларида эришаётган ютуқларида ҳам ўз исботини топмоқда. Ўзбекистонлик паралимпиячиларнинг нуфузли мусобақалардаги иштироки ва эришаётган ғалабалари сони тобора ортиб бормоқда.  

Инсон шаъни улуғланган, унинг тинч-осойишта, фаровон ҳаёт кечиришини ўзининг бош мақсади этиб белгилаган юртдагина ўсиш, ривожланиш бўлади. Хар бир фуқаро жамият равнақига, Ватан обрўсини юксалтиришга ўзининг муносиб ҳиссасини қўшиш мақсади билан яшайди. Ҳа, бугун паралимпия ҳаракати мамлакатимизда кенг оммалашмоқда. Бу чекка-чекка ҳудудлардаги имконияти чекланган инсонларнинг спорт билан шуғулланишига омил бўлмоқда. Улар орасида янги чемпионлар камол топмоқда.  

Ўзбекистонда, паралимпия ҳаракати ва уни янада ривожлантиришга оид кўрсаткичлар, жорий йилги «Беш ташаббус паралимпиадаси» оммавий спорт мусобақаларига тайёргарлик жараёнлари, аҳоли орасида ногиронлиги бўлган шахсларни Паралимпия спортига янада кенгроқ жалб этиш борасида оммавий ахборот воситаларининг ўрни ва Миллий олимпия қўмитаси фаолияти ҳақида ЎзА мухбири, Миллий паралимпия қўмитаси раиси маслаҳатчиси Анвар Мурсакулов билан суҳбатлашди.  

<iframe width="560" height="315" src="https://www.youtube.com/embed/WW4ZtFy_RU4?si=WuOH5E0FPLYvm4-O" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жавоҳир Тошхўжаев, Дониёр Якубов, Нишонбой Абдувоитов, ЎзА