Парагвай Республикасының Президенті Сантьяго Пенья 11–13 желтоқсан күндері елімізге ресми сапармен келді.

Көксарай резиденциясында Өзбекстан Республикасының Президенті Шавкат Мирзиёев пен Парагвай Республикасының Президенті Сантьяго Пенья ресми делегациялар қатысқан келіссөздер өткізді.

Кездесу барысында Өзбекстан мен Парагвай арасындағы саяси, сауда-экономикалық, мәдени және гуманитарлық салалардағы ынтымақтастықты дамыту перспективалары, сондай-ақ ауыл шаруашылығы, азық-түлік және химия өнеркәсібі, цифрландыру, туризм мен спорт салаларында практикалық серіктестік орнатуға бағытталған ынтымақтастық бағыттары талқыланды.

12 желтоқсан күні Парагвай Президенті «Жаңа Өзбекстан» саябағына, Ташкент қаласында бой көтерген Олимпиа қалашығына және Ислам өркениеті орталығына барып, елімізде жүзеге асырылып жатқан жаңару мен жасампаздық үдерістерімен танысты.

Сондай-ақ ол Халықаралық автомобиль федерациясының Бас ассамблеясында және федерация қамқорлығымен өткен жарыстар жеңімпаздарын марапаттау рәсіміне қатысты.

[gallery-26714]

Жоғары мәртебелі мейманды «Ташкент–Хумо» халықаралық әуежайында Өзбекстан Республикасының Премьер-министрінің орынбасары Жамшид Қучқоров пен басқа да ресми тұлғалар шығарып салды.

А.РУСТАМОВ,

Н.ХАЙДАРОВ (сурет), ӨзА