Малайзиянинг Куала-Лумпур шаҳрида давом этаётган пара велоспортнинг трек йўналиши бўйича Осиё чемпионатининг навбатдаги куни ҳам вакилларимиз учун муваффақиятли ўтди.

Чемпионатнинг спринт пойгаларида Аброр Ибраимов (C4), Азизхўжа Олимхўжаев (C2) ҳамда Камола Нуриллаева (C4) ўз йўналишларида олтин медалга сазовор бўлди. Шунингдек, Ғолиббек Мирзаёров (C2) делегациямиз ҳисобига яна бир кумуш медални тақдим этган бўлса, Боймурод Ёвқочев (C5) бронза медали билан тақдирланди.

Осиё биринчилигининг 1 км. масофага гит пойгаларида Ғолиббек Мирзаёров (C2), Аброр Ибраимов (C4) ва Камола Нуриллаева олтин, Азизхўжа Олимхўжаев кумуш (C2), Азимбек Абдуллаев эса бронза (C5) медалини қўлга киритди.

Жавоҳир Тошхўжаев,

ЎзА