Қозоғистонда илк бор ташкил этилган “ITTF FA20 Astana Para Open” турнирида ҳамюртимиз Суннатилло Муродуллаев шоҳсупага кўтарилди.

Мазкур мусобақада дунёнинг 18 та мамлакатидан 100 нафарга яқин пара стол теннисчилар ўз йўналишларида баҳсларга киришди. Унда Суннатилло XD14 тоифасининг аралаш жуфтлигида франциялик теннисчи Морген Кайло билан тандем ҳосил қилган ҳолда бронза медалига сазовор бўлди.   

Эслатиб ўтамиз, ўтган йили Суннатилло Муродуллаев Мисрда ўтган пара стол тенниси бўйича халқаро турнирда кумуш медални қўлга киритган эди. Суннатиллонинг халқаро турнирда муваффақиятга эришиши Паралимпия йўлидаги тайёргарлиги самарали кечаётганидан далолатдир.   

Жавоҳир Тошхўжаев,  

ЎзА