Таиландда ўтказилаётган пара каноэ бўйича Осиё чемпионатининг иккинчи кунги баҳслари якунланди. Унда Ўзбекистон терма жамоасининг 8 нафар вакили стартга чиқиб, якунда 7 та медални қўлга киритди.

Дастлаб, кундузги дастурларда ҳамюртларимиз 2 та олтин ва 3 та кумуш медалга эга чиқди. Кечги дастур баҳсларининг VL3 500 классида иштирок этган Шаҳзода Мамадалиева барча рақибларидан устун келди. Ушбу йўналишдаги эркаклар ўртасида Ҳасан Қўлдошев кумуш медални қўлга киритди.

Шу тариқа, Осиё чемпионатининг иккинчи кунида 3 та олтин ва 4 та кумуш, жами 7 та медаль қўлга киритилди. Ҳозирча делегациямиз ҳисобида жами 5 та олтин ва 4 та кумуш медали мавжуд.

Жавоҳир Тошхўжаев,

ЎзА