Пара каноэчиларимиз муносиб кутиб олинди
Жорий йилнинг 3-7 август кунлари Канаданинг Галифакс шаҳрида ўтказилган пара каноэ бўйича Жаҳон чемпионатида муваффақиятли иштирок этган Ўзбекистон терма жамоаси аъзолари юртимизга қайтиб келди.
Ислом Каримов номидаги Тошкент халқаро аэропортида уларни Спортни ривожлантириш вазирлиги, Ўзбекистон Миллий паралимпия қўмитаси, Ўзбекистон rowing&canoe федерацияси раҳбарияти, ота-оналар ва кенг жамоатчилик вакиллари тантанали кутиб олди.
Пара каноэ бўйича ўтказилган Жаҳон чемпионатининг эркаклар ўртасидаги VL3 классида баҳс олиб борган Ҳайтмурод Шерқўзиев бронза медалига сазовор бўлди.
Шунингдек, кескин ва муросасиз ўтган аёллар ўртасида KL3 классида Шаҳноза Мирзаева бешинчи, ушбу йўналишнинг эркаклар ўртасидаги баҳсларда Ҳасан Қўлдошев еттинчи поғонадан жой олди. VL3 классида ўз омадини синаб кўрган Мухлиса Эшмирзаева маррага олтинчи бўлиб етиб келди.
ЎзА