Қозоғистон пойтахти Нур-Султон шаҳрида "Париж-2024" ўйинларига рейтинг очколари тақдим этадиган пара дзюдо бўйича халқаро Гран-При мусобақасида вакилларимиз совринли ўринларнинг иккитасини қўлга киритди.

Дунёнинг 21 та давлатидан матонатли спортчилар иштирок этган мусобақада терма жамоамиз аъзолари 1 тадан олтин ва бронза медалига мушарраф бўлишди.

Турнирнинг J2 классида эркаклар ўртасида 60 кг. вазн тоифасида Шерзод Намозов олтин, 90 кг. вазнда Шариф Ҳалилов бронза медалига сазовор бўлди.

ЎзА