Жорий ҳафта мобайнида Ўзбекистон пара енгил атлетика ва футбол бўйича ампутантлар терма жамоамизни жиддий синовлар кутиб турибди.

Жумладан, пара енгил атлетика бўйича миллий терма жамоа аъзолари 5-14 февраль кунлари Бирлашган Араб Амирликларининг Дубай шаҳрида ўтадиган анъанавий Фазза халқаро Гран-при турнирида иштирок этади. Ўн олтинчи бор ташкил этилаётган ушбу нуфузли мусобақада мамлакатимиз шарафини 16 нафар пара атлетимиз ҳимоя қилади.  

Шунингдек, 5-12 февраль кунлари Бангладеш пойтахти Дакка шаҳрида ампутантлар футболи бўйича Осиё чемпионати ўтказилади. Илк бор ташкил этилаётган ушбу қитъа биринчилигида Ўзбекистон терма жамоаси ҳам иштирок этади.  

Жавоҳир Тошхўжаев,

ЎзА