Палестина-Израиль қақтығысы салдарынан Газа секторындағы 187 мыңнан астам адам үйлерін тастап кетті.

Біріккен Ұлттар Ұйымының гуманитарлық істерді үйлестіру басқармасының хабарлауынша, екі жақтан құрбан болғандар саны 1600-ден асады. 

Хамас қозғалысы Израильге зымыран атуды жалғастыруда, Израиль күштері де қозғалыс позицияларына қарқынды шабуылдар жасауда.

9 қазанда ХАМАС-тың Израильге жасаған шабуылы салдарынан жалпы 900-ден астам израильдік пен шетелдік азамат қаза тапты.

Израиль денсаулық сақтау министрлігінің мәліметінше, кем дегенде 2616 адам жарақат алған.

Газа Денсаулық сақтау министрлігі 687 палестиналық қаза тауып, 3800 адам жараланғанын хабарлады.

Газа секторындағы жаппай қоныс аударулар саны кейінгі 24 сағатта 187 518-ден асты және бұл көрсеткіш өсе береді деп күтілуде. Газада соғыс қимылдары басталғаннан бері төрт мектеп пен сегіз медициналық мекеме зақымданған.

Біріккен Ұлттар Ұйымының мәлімдеуінше, Газа секторында уақытша қоныс аударғандар саны 2014 жылы басталған 50 күндік қақтығыстардан бергі ең жоғары көрсеткіш.