“Ўзёғмойсаноат” уюшмаси хабар беришича, Ўзбекистон жорий йил 11 ойда 38,1 миллион долларлик ёғ-мой маҳсулотлари экспорт қилди. Энг кўп экспорт Афғонистонга амалга оширилган.

Уюшма тизимидаги корхоналар томонидан 2022 йилнинг январь-ноябрь ойларида прогноздаги 21,3 миллион АҚШ доллари ўрнига 38,1 миллион АҚШ доллари миқдорида ёғ-мой маҳсулотлари экспорт  қилинди. Натижада маҳсулот экспорти бўйича жорий йилнинг 11 ойи учун белгиланган прогноз кўрсаткичи 179 фоизга бажарилиши таъминланди.  

Ушбу даврда ёғ-мой маҳсулотлари асосан қуйидаги давлатларга экспорт қилинган: Афғонистон – 25 миллион 820 минг доллар, Туркманистон – 4 миллион 12 минг доллар, Тожикистон – 3 миллион 770 минг доллар, Қозоғистон – 1 миллион 364 минг доллар, Қирғизистон – 1 миллион 14 минг доллар. 

Бундан ташқари, Россия, Грузия, Мўғулистон, Озарбайжон, Нидерландия, Исроил, Ироқ, БАА ва АҚШ давлатларига ҳам ёғ-мой маҳсулотлари экспорти амалга оширилди.  

ЎзА