Ўзсаноатқурилишбанк Тараққиёт марказида Европа тикланиш ва тараққиёт банки (ЕТТБ) билан ҳамкорликда “ЕТТБ тизимида кичик ва ўрта бизнес соҳасидаги қарз олувчиларни қўллаб-қувватлаш орқали мижозлар бизнес барқарорлигини ошириш” мавзусида ахборот семинари ташкил этилди.

Семинарда Банкнинг “Green Banking”, кичик ва ўрта бизнес ҳамда корпоратив бизнес департаментлари мутахассислари корхоналарни “яшил” (шу жумладан, энергоаудит, муҳандислик ечимлари, экология) ва бошқа йўналишлар бўйича грантлар орқали қўллаб-қувватлаш дастури билан таништирилди.

ЕТТБнинг “яшил” кредит линияси доирасида лойиҳаларни молиялаштиришда қўлланилувчи “Яшил технологиялар селектори” (Green Technology Selector) базаси ҳақида қўшимча маълумот берилди.

Тадбирда томонлар ўртасида бундай туркум семинарларни ҳудудларда, Ўзсаноатқурилишбанк филиаллари негизида ташкил қилишга келишиб олинди.

Маълумот учун. ЕТТБ Ўзсаноатқурилишбанкка Марказий Осиёда илк “яшил банк”ни таъсис этишда кўмаклашаётган халқаро молия институти саналади. 2021 йилда “Green Economy Financing Facility” (GEFF) дастури доирасида 25 млн. АҚШ доллари миқдорида кредит линияси тақдим этилди. Ушбу йўналишдаги ҳамкорлик доирасида Ўзсаноатқурилишбанк кетма-кет икки марта ЕТТБнинг “Яшил молиялаштириш мезонлари бўйича йилнинг энг яхши битими” (Deal оf the Year “Green Trade 2020-2021”) номинациясида ғолиб бўлди.

Ҳозирги вақтда Банк акциядорлик капиталига конвертация опцияси билан ЕТТБ кредит линиясини жалб қилиш борасида иш олиб бормоқда. 

Банк Ахборот хизмати