Ijtimoiy tarmoqlarda O‘zLiDeP 2024 yilda xizmat avtomashinalari xarid qilvyotgani haqida xabarlar tarqaldi. Xabarlarda aytilishicha, O‘zbekiston liberal demokratik partiyasi 15 dona Chevrolet Tracker, 1 dona Chevrolet Traverse va 1 dona Kia K5 sotib olishga qaror chiqargan.

Mazkur xabarlarga O‘zLiDeP o‘z rasmiy munosabatini bildirdi.

Unga ko‘ra partiya 2024 yil byudjetida mashina xarid qilishni ko‘zda tutmaganini va joriy yilda birorta ham avtomashina xarid qilinmasligini ma’lum qilgan.

«Partiyamizning 2024 yil uchun tasdiqlangan byudjetida xizmat avtomashinalarini xarid qilish uchun mablag‘ ajratilmagan va ko‘zda ham tutilmagan.

Shu sababli partiyamiz 2024 yilda birorta ham qimmatbaho avtomashinalar sotib olinmasligini ma’lum qiladi», deyiladi partiya munosabatida.

M.Komilova, O‘zA