“Мақсад” лойиҳасининг навбатдаги сони

 Сир эмаски, юртимизда экспорт-импорт операцияларини тартибга солиш, эҳтиёж катта бўлган озиқ-овқат товарларини импорт қилишдаги тўсиқлар, носоғлом рақобат, айрим хўжалик юритувчи субъектлар томонидан импорт маҳсулотларининг монополлаштирилиши, нарх-навонинг сунъий оширилиши, тақчилликнинг юзага келиши каби бир қатор муаммолар ҳамон бизни қийнаяпти...

Бирлашган Миллатлар Ташкилотининг Барқарор ривожланиш мақсадлари йўналиши бўйича Ўзбекистонда амалга оширилаётган ишлар – лойиҳалар мазкур муаммоларга ечим излашни, хавфни бартараф этишни мақсад қилган.

ЎзА Барқарор ривожланиш маркази билан ҳамкорликда тайёрлаган “Мақсад” лойиҳасининг навбатдаги сони қишлоқ хўжалигининг барқарор ривожланишига кўмаклашиш бўйича БМТ Озиқ-овқат ва қишлоқ хўжалиги ташкилоти – ФАОнинг Ўзбекистонда амалга оширган лойиҳа-дастурлари муҳокамасига бағишланди.

<iframe width="650" height="420" src="https://www.youtube.com/embed/GV7JS_aSKLo" title="Oziq-ovqat. Jahon tajribasi va xalqaro loyihalar haqida gaplashamiz..." frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Шунингдек, дунёда ҳамда юртимизда озиқ-овқат хавфсизлиги тизимига асосланган омиллар, Ўзбекистонда озиқ-овқат хавфсизлиги назорати, тизимдаги мавжуд хавфлар ва йўналиш ривожи билан боғлиқ масалалар ўртага ташланди.

Барқарор ривожланиш мақсадларининг иккинчи йўналиши озиқ-овқат хавфсизлиги эканини инобатга олиб, бу гал студиямизга ФАО аграр ва озиқ-овқат тизимлари бўйича эксперт, иқтисод фанлари доктори Орифжон Намозов ҳамда Барқарор ривожланиш марказининг Барқарор ривожланиш жараёнларини ўрганиш бўлими бошлиғи Нодир Сафаровни таклиф қилганмиз.

Суҳбатни ЎзА YouTube тармоғида мароқ билан томоша қилишингиз мумкин. Фикрларингиз ҳам муҳим...

Беҳруз Худойбердиев, Аслиддин Алижонов (видео), ЎзА