Шу кунларда давом этаётган Австралия Очиқ чемпионатининг саралаш босқичи иккинчи босқичида иштирокини якунлаган мамлакатимизнинг иккинчи рақамли ракеткаси Мария Тимофеева Баҳрайнда ўтадиган турнирда иштирок этади.

Мукофот жамғармаси 60 минг АҚШ долларидан иборат мазкур турнирда Мария Тимофеева тўртинчи рақам остида таснифланди.

Бугун, 20 январь куни Баҳрайн пойтахти Манама шаҳрида бошланаётган мусобақада Ўзбекистон терма жамоаси аъзоси Тимофеева 1/16 финалда россиялик Анастасия Тихоновага қарши кортга чиқади.

Айтиш лозим, Тимофеева-Тихонова нуфузли мусобақаларда тўрт марта рўбарў келган. Ўтказилган ўйинлар сарҳисобига кўра, Ўзбекистон шарафини ҳимоя қилаётган Мария уч марта ғалаба қозонган.

Эслатиб ўтамиз, WTA рейтингида Тимофеева 138, Тихонова эса 250-ўриндан жой олган.

Т.Рўзиев,

ЎзА