Шу кунларда камондан отиш бўйича мамлакатимизнинг энг маҳоратли спортчилари Ўзбекистон чемпионатида совринли ўринларни эгаллаш учун Ўзбекистон давлат жисмоний тарбия ва спорт университетида бошланган мусобақаларда ўз омадини синовдан ўтказмоқда.

Чемпионатда Қорақалпоғистон Республикаси, вилоятлар ҳамда Тошкент шаҳридан умумий ҳисобда 260 нафардан зиёд спортчилар 18 метр масофага мўлжалланган турли йўналишларда ўтадиган баҳсларда совринли ўринларга даъвогарлик қилмоқда.

Барча ёш тоифаларида ўтаётган Ўзбекистон чемпионати жараёнида мамлакатимизнинг энг кучли мерганлари аниқланиши ҳамда терма жамоа учун муносиб номзодлар саралаб олиниши назарда тутилган.

Мусобақалар 28 февралга қадар давом этади.

Т.Рўзиев, ЎзА