Ilk yarim yillikda (yanvar-iyun) O‘zbekistonda doimiy aholi soni 332,1 mingga (2,1% ga) ko‘payib, 35,6 million nafardan oshgan.

Bu haqda  Davlat statistika qo‘mitasi xabar berdi. 

Jumladan, aholining 18,1 million nafari shaharlarda (jami aholining 50,9 foizi), 17,5 million nafari (49,1 %) qishloqlarda istiqomat qiladi. Jami aholining 17,9 million qismini erkaklar, 17,7 million qismini ayollar tashkil qiladi. 

Shuningdek, ma’lum qilinishicha, shahar va qishloq aholisining o‘rtacha umr ko‘rish davomiyligi bir xil bo‘lib, 73,8 yoshni tashkil etadi. 

O‘zA