Швейцарияда ўтказилган “Lifeʻs An Omnium Madison” халқаро турнирида ўзбекистонлик велотрекчилар муваффақиятга эришди.

Мамлакатимиз шарафини ҳимоя қилган “Tashkent City Women Professional Cycling Team” жамоаси аъзолари Европанинг етакчи спортчилари билан кечган баҳсларда 2 та олтин медалга сазовор бўлишди.

Шиддатли ўтган велотрек мусобқаларида мамлакатимиз спортчиларидан Нафосат Козиева очколар пойгасида, Маргарита Мисюрина спринт дастурида ғолиблик шохсупасига кўтарилди. Улар шарафига Швейцарияда Ўзбекистон байроғи юксалиб, мадҳиямиз баралла янгради.

Ўзбекистонлик спортчилардан кейинги ўринларни Италия, Швейцария, Исроил давлатларининг вакиллари эгаллашди.

Т. Рўзиев, ЎзА