"Tashkent city woman professional cycling team" ayollar professional jamoasi a’zolari Italiyada o‘tkazilgan “Green Bike” xalqaro turnirida muvaffaqiyatli ishtirok etdi.

Sportni rivojlantirish vazirligi matbuot xizmatidan ma’lum qilinishicha, mazkur turnirda 21 ta jamoadan 79 nafar velosportchi 101 kilometr masofada o‘zaro kuch sinashdi.

Musobaqa kuchli yomg‘ir, shamol ostida boshlandi. Oxirgi davrada yomg‘ir va shamol kuchaydi. Marra chizig‘ida Italiyaning GAUSS  jamoasining shiddatli hujumi boshlandi, sportchilarimiz javob hujumini amalga oshirdi.

Shu tariqa turnirda o‘zbekistonlik velosportchi Margarita Misyurina uchinchi o‘rinni egalladi. Nafosat Qo‘ziyeva esa marraga oltinchi bo‘lib yetib keldi.

O‘zA