"Tashkent city woman professional cycling team" аёллар профессионал жамоаси аъзолари Италияда ўтказилган “Green Bike” халқаро турнирида муваффақиятли иштирок этди.

Спортни ривожлантириш вазирлиги матбуот хизматидан маълум қилинишича, мазкур турнирда 21 та жамоадан 79 нафар велоспортчи 101 километр масофада ўзаро куч синашди.

Мусобақа кучли ёмғир, шамол остида бошланди. Охирги даврада ёмғир ва шамол кучайди. Марра чизиғида Италиянинг GAUSS  жамоасининг шиддатли ҳужуми бошланди, спортчиларимиз жавоб ҳужумини амалга оширди.

Шу тариқа турнирда ўзбекистонлик велоспортчи Маргарита Мисюрина учинчи ўринни эгаллади. Нафосат Қўзиева эса маррага олтинчи бўлиб етиб келди.

ЎзА