Жорий йилнинг 31 июлидан 7 августига қадар Грузия пойтахтида соврин жамғармаси 25 000 АҚШ долларини ташкил қилувчи эркаклар ўртасида ITF Tbilisi Open теннис турнири бўлиб ўтади.

Ушбу турнирда теннисчимиз Максим Шин саралаш босқичи финалига чиқди. Максим саралашнинг биринчи босқичида Қозоғистон вакили Олег Сироватский устидан 6:1, 6:3 ҳисобида ғалаба қозонди. 

Биринчи сетни бой берган Максим иккинчи босқичда ўзини қўлга олди ва шиддатли курашда Беларусь вакили Даниил Остапенковни 3:6,6:4,10:4 ҳисобида мағлуб этди.  

Шунингдек, ушбу турнирда жаҳон рейтингида юқори ўринларни эгаллаб, автоматик тарзда асосий тўрга чиққан Ўзбекистоннинг икки вакили – Хумоюн Султонов ва Сергей Фоминлар ҳам иштирок этади. 

Теннисчиларимизга омад ва янада юқори натижалар тилаб қоламиз. Мамлакатимизда теннисни ривожлантиришда Ўзбекистон Теннис федерациясининг “Ўзмиллийбанк” АЖ томонидан қўллаб-қувватланаётгани муҳим аҳамият касб этмоқда.  

“Ўзмиллийбанк” АЖ 
Матбуот хизмати