Joriy yilning 1-8-sentyabr kunlari Misrda 90 dan ziyod davlat vakillari ishtirokida o‘tkazilayotgan 36-Xalqaro informatika olimpiadasida O‘zbekiston terma jamoasi a’zosi sovrinli o‘rinni qo‘lga kiritdi.

Maktabgacha va maktab ta’limi vazirligi tizimidagi “Yangi O‘zbekiston” universiteti talabasi Mardon Hazratov bronza medalini qo‘lga kiritdi.  

O‘zbekiston terma jamoasining yana bir a’zosi, Muhammad al-Xorazmiy nomidagi ixtisoslashtirilgan maktab o‘quvchisi Asilbek Sunnatov “Honorable mention” (namunali ishtirok) mukofotiga sazovor bo‘ldi.  

 Muhayyo Toshqorayeva,  

O‘zA