O‘zbekistonlik rassomlar xalqaro festivalda ishtirok etdi
Qirg‘izistonda joriy yilning 15-22 iyul kunlari bo‘lib o‘tgan “Sharqning nurli palitrasi” («Solnechnaya palitra Vostoka») festivalida 10 ta mamlakat, jumladan O‘zbekiston, Ozarbayjan, Rossiya, Armaniston, Gruziya, Qirg‘iziston, Belarusiya, Qozog‘istondan mo‘yqalam sohiblari ishtirok etdi.
Ishtirokchilar orasida Kamoliddin Behzod nomidagi Milliy rassomlik va dizayn instituti o‘qituvchisi M. Sattorov hamda institutning birinchi bosqich talabasi M. Jo‘rayev, O‘zbekiston Badiiy akademiyasi ilmiy xodimi U. Yusupov, A. Hamdamov, S. Sobirboyevlar ham bor.
Rassomlar Qirg‘izistonning Issiqko‘l, Cholpon-Ota, Jeti-Og‘uz va boshqa so‘lim go‘shalarida bo‘lib, ko‘plab rasmlar chizdi. Festival yakunida ularga Qirg‘izistonning Art Araba jamoat fondi va MDH mamlakatlari Xalqaro jamg‘armasining sertifikatlari topshirildi, deb xabar beradi Badiiy akademiya matbuot xizmati.
N. Usmonova, O‘zA.