Ўзбекистондан Истанбулга икки томонлама авиақатновлар учун акция
“Uzbekistan Airways” АЖ матбуот хизмати томонидан тақдим қилинган маълумотларга кўра, Ўзбекистондан Истанбулга икки томонлама авиақатновлар учун жорий йилнинг 11 ноябрдан 30 ноябргача бепул багаж ташиш учун махсус акция ўтказади.⠀
Жорий йил 30 ноябргача бўлган авиақатновларда багаж чиптада кўрсатилган меъёрдан қатъий назар ҳеч қандай қўшимча тўловсиз қабул қилинади.
Тошкентдан Истанбулгача ва ортга эконом классда 40 кг гача, бизнес-классда эса 50 кг гача, Урганч ёки Фарғонадан Истанбулгача ва ортга эконом классда 35 кг гача бепул багаж ташиш мумкин.
Муҳайё Тошқораева, ЎзА