Юртимиз табиати шифобахш неъматларга бой. Хусусан, шундай ўсимликлардан бири қизилмия бўлиб, унга “мўъжизакор” дея таъриф берилади. Бу бежиз эмас. Чунки 110 турдан ортиқ дори воситалари ундан олинади ва саноатнинг 20 та йўналишида фойдаланилади. Бундай хусусият бошқа ўсимликларда камдан-кам учрайди.

Ўзбекистон Республикаси Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги ҳамда Қизилмия етиштирувчилар уюшмаси ҳамкорлигида Хитой Халқ Республикасининг ўсимликлар карантини ва ҳимояси бўйича миллий ташкилоти билан олиб борилган чора-тадбирлар натижасида Ўзбекистондан Хитойга доривор ўсимликлар, жумладан, қизилмия экспортига фитосанитар рухсат олиниб, бугунги кунда 71 та ўзбек экспортёрини Хитой томонидан реестрга киритилишига эришилди.

Маълумот ўрнида айтиш мумкинки, республикамизда силлиқ қизилмия тури кенг тарқалган бўлиб, у табиий ҳолда ўсади.

Қизилмиядан тиббиётда ҳам кенг фойдаланилади. Шу сабабли бугунги кунда ушбу ўсимликка АҚШ, Буюк Британия, Голландия, Япония, Германия, Венгрия, Хитой, Жанубий Корея ва бошқа кўпгина давлатларда талаб юқори.

Абдулазиз РУСТАМОВ, ЎзА