Buyuk Britaniyaning nufuzli reyting tashkiloti – “Times Higher Education Asia University Rankings – 2022” Osiyo universitetlar reytingi – 2022 natijalarini e’lon qildi.

Mazkur reytingda O‘zbekistondagi 10 ta oliy ta’lim muassasasi mazkur reytingdan joy oldi. 

Bular – O‘zbekiston Milliy universiteti, Toshkent davlat yuridik universiteti, Toshkent pediatriya tibbiyot instituti, Toshkent shahridagi Turin politexnika universiteti, Urganch davlat universiteti, Toshkent moliya instituti, “Toshkent irrigatsiya va qishloq xo‘jaligi mexanizatsiyalash muhandislari instituti” MTU, Toshkent tibbiyot akademiyasi, Toshkent davlat iqtisodiyot universiteti, Toshkent farmatsevtika instituti. 

Ma’lumot o‘rnida aytish joiz, mazkur reyting dunyo bo‘yicha har yili Osiyo davlatlaridagi universitetlarni tadqiqot, ta’lim sifati, xalqaro xilma-xillik, iqtiboslik va sanoat daromadi (bilimlar almashish) bo‘yicha baholaydi. 

Ro‘yxatdan o‘rin egallagan 10 ta oliy ta’lim muassasasi “THE World University Ranking”ning nufuzli reytinglariga kirish uchun nomzod sifatida tan olinib, mazkur yo‘nalishdagi reyting agentligi ularga yaqindan yordam beradi. 

Ma’lumot o‘rnida, joriy yil ushbu reytingda 829 ta universitet qayd etilib, ular orasida 625 ta o‘rin va 200 dan ortiq universitetlar “reporter”, ya’ni da’vogar universitetlar nominatsiyasiga ega bo‘lishdi. 

Sh.Mamaturopova, O‘zA