Navoiy sanoatni rivojlantirish majmuasi maxsus sanoat parki hududida ichimlik uchun alyuminiy quti ishlab chiqarish zavodi quriladi. Shu maqsadda Investitsiyalar, sanoat va savdo vazirligida “Arnest qadoqlash yechimlari” AJ bilan qo‘shma loyiha amalga oshirish bo‘yicha bitim imzolandi.

Hujjatga ko‘ra, “AQY” AJ sarmoyasi taxminan 100 million dollarni tashkil etadi va 2 zamonaviy yuqori texnologiyali tizim o‘rnatishga yo‘naltiriladi. Korxona quvvati yiliga 1,5 milliard donadan oshadi. 200 dan ziyod yuqori malakali ish o‘rni yaratiladi. Zavod 2025 yil kuzda ishga tushadi.

Vazir o‘rinbosari Xurram Teshabayev ta’kidlashicha, ichimlik uchun alyuminiy qadoq idishi ishlab chiqarish O‘zbekiston uchun yangi texnologiya. Tayyor mahsulotning 30 foizdan ko‘pi eksportga mo‘ljallanadi.

Hukumat imtiyozli soliq tartibi va subsidiya ko‘rinishidagi sarmoya uchun qulay shart-sharoit yaratibgina qolmay, xorijiy investorga aniq ishlab chiqarish texnik talabiga to‘liq javob beradigan tayyor ishlab chiqarish maydonchasi ham taklif qilib, infratuzilmani rivojlantirmoqda.

Qayd etilishicha, “AQY” mintaqada alyuminiy banka ishlab chiqarish sohasida yetakchi hisoblanadi. O‘zbekistonda ishlab chiqarishni mahalliylashtirish kompaniyaning Markaziy Osiyo va Kavkaz orti mamlakatlari bozoriga taklifini sezilarli darajada oshiradi.

G.Sattorova,

O‘zA