Ахборот технологиялари ва коммуникацияларини ривожлантириш вазири Шерзод Шерматов Acharya университети директори Вишеш Чандрашекар билан учрашди. Унда ўзаро IT таълим соҳасида ҳамкорликни кучайтириш масалалари муҳокама қилинди.

2022–2026-йилларга мўлжалланган Янги Ўзбекистоннинг тараққиёт стратегиясига мувофиқ Бухоро вилояти Қоракўл туманида рақамли технологияларга ихтисослаштирилган алоҳида замонавий талабларга жавоб берадиган ахборот технологиялари соҳасида таълимдан ишлаб чиқаришгача бўлган яхлит занжир яратишни кўзда тутувчи олган IT-кластер фаолиятини йўлга қўйилмоқда.

Ушбу IT-кластер 5 600 ўринга мўлжалланган Унивеститет, 100 ўринга мўлжалланган инкубация маркази ва 50 ўринга мўлжалланган масофавий хизматлар экспорт маркази, 1 435 ўринга мўлжалланган талабалар турар жойи ва ходимлар учун меҳмонхона, ошхона, очиқ ва ёпиқ турдаги спорт комплексларини ўз ичига олиши режалаштирилган.

Ахборот технологиялари ва коммуникацияларини ривожлантириш вазирлиги, Бухоро вилояти ҳокимлиги билан жорий йилнинг 10 октябрь санасида Ҳиндистон давлатининг “Acharya Institutes”” ўртасида “Acharya International University of Uzbekistan” университетини ташкил этиш бўйича ўзаро ҳамкорлик шартномаси имзоланган эди.

Шу мақсадда бугунги учрашувда ҳам ушбу йўналишда ишларни давом эттириш, ҳамкорликда янги лойиҳаларни ишлаб чиқиш масалалари муҳокама қилинди.

ЎзА