Президентимиз қарори билан ташкил этилган, Гулистон шаҳрида бўлиб ўтаётган учинчи Халқаро бахшичилик фестивалида иштирок этаётганлигимдан жуда мамнунман. Сурхондарёлик қатнашчилар билан 28 апрел куни Гулистон шаҳрига етиб келганмиз. Бу ердаги тайёргарлик жараёнларини кўриб ҳукуматимиздан, Сирдарёлик мезбонлардан барчамиз хурсанд бўлдик. Фестиваль доирасида ўтказилаётган халқ сайлларида жамоамиз билан фаол иштирок этиб сирдарёликларни ўз санъатимиз билан хушнуд этаяпмиз.

Фестиваль доирасида бўлиб ўтаётган "Олтин мероснинг янги оҳанглари" учинчи халқаро илмий-амалий конференциясида хорижликларнинг ҳам бизнинг бахшичилик санъатимизга бефарқ эмасликларидан бошимиз кўкка етди. Туркия, Озарбайжон, Қирғизистондан келган  мутахассислар ўзбек бахшичилик санъатини халқаро миқёсда ўзининг беқиёс ўрни борлиги ҳақида сўзлаб ўтди. Айниқса, Туркия, Қирғизистон мамлакатларида чоп этилган китобларда бир неча ўзбекистонлик бахшиларнинг ҳам фаолияти ҳақида сўз юритилганлиги жуда қувонарли ҳолдир. Ушбу халқаро конференцияда ўзбек бахшичилик санъати ҳақида эътирофли сўзларни эшитиш бизлар учун шарафдир.  

Ш. Суяров,  

ЎзА