Қатар пойтахти Доҳа шаҳрида Ўзбекистон Республикаси ташқи ишлар вазири Бахтиёр Саидов тожикистонлик ҳамкасби Сирожиддин Муҳриддин билан учрашди.

Томонлар минтақавий ҳамкорликни янада чуқурлаштириш, савдо-иқтисодий ва маданий алоқани кенгайтириш истиқболи, шунингдек долзарб вазифаларни ҳал этиш борасидаги қўшма ишларни муҳокама қилди.

Б.Саидовнинг сўзларига кўра, икки қардош давлат стратегик шериклик ва иттифоқчилик муносабатини изчил мустаҳкамламоқда.  

Ташқи фаолият идора раҳбарлари Марказий Осиёда тинчлик, барқарорлик ва қўшничилик алоқаларини илгари суриш бўйича умумий содиқликни тасдиқлаб, биргаликдаги саъй-ҳаракатларнинг минтақа халқлари учун фаровонлик ва хавфсизлик асоси сифатидаги аҳамиятини қайд этди.

А.Алимова, ЎзА