Бухоро вилояти тадбиркорлари ва Эрон Ислом Республикаси компаниялари ҳамкорлигида турли соҳаларда қўшма лойиҳаларнинг амалга оширилиши натижасида ҳозир 21 та қўшма корхона фаолият кўрсатаётган бўлиб, шундан 5 таси 100 фоиз Эрон капиталидаги хорижий корхона ҳисобланади. Шу билан бирга, Эрон Ислом Республикаси Бухоро вилояти билан ташқи савдо айланмасида юқори улушга эга бўлган 7 та давлатдан биридир. Сўнгги 7 йилда ўзаро ташқи савдо айланмаси 2 баробарга ўсган.

Бухорода Бухоро ва Ҳамадон вилоятлари тадбиркорлари иштирокида бизнес форум ташкил этилди. 

Форумда Ҳамадон вилояти губернатори Алиризо Қосимий Фарзод ҳамда Эрон Ислом Республикасининг Ўзбекистон Республикасидаги Фавқулодда ва мухтор Элчиси Муҳаммадали Искандарий қатнашди.

[gallery-15360]

Форум якунида ўзаро ҳамкорлик тўғрисида меморандум имзоланди. Тадбирдан сўнг Ҳамадон ва Бухоро вилоятлари тадбиркорлари билан В2В кўринишидаги давра суҳбати ташкил этилди.

Шунингдек, Эрон ишбилармон доира вакиллари Бухоро шаҳридаги “Buxara Agrocluster DZZ” сут ва сут маҳсулотларини қайта ишлаш корхонаси фаолияти билан яқиндан танишди.

<iframe width="640" height="360" src="https://www.youtube.com/embed/krUuDjcHmm8" title="Oʻzbekiston va Eron tadbirkorlarining biznes forumi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Зариф Комилов, Тоҳиржон Истатов (видео,сурат), ЎзА мухбирлари