Farhod Nishonov boshchiligidagi O‘zbekiston U20 terma jamoasi Xitoyda Osiyo kubogiga tayyorgarlikni davom ettirmoqda.

Futbolchilarimiz mazkur yig‘in doirasida xitoylik tengdoshlariga qarshi nazorat o‘yinini o‘tkazdi. Uchrashuvning asosiy vaqtida 2:2 hisobi qayd etildi. Shundan so‘ng jamoalar o‘zaro penaltilar seriyasida ishtirok etdi va unda yoshlarimiz 5:4 hisobida g‘alaba qozondi.

Eslatib o‘tamiz, joriy yilning 6-23 fevral kunlari Xitoyda futbol bo‘yicha U20 yosh toifasida Osiyo kubogi musobaqasi bo‘lib o‘tadi. Unda O‘zbekiston U20 terma jamoasi “S” guruhida Yaman, Indoneziya va Eron termalari bilan raqobatlashadi.

Javohir Toshxo‘jayev, O‘zA