Бугун, 18 ноябрь куни Қатарда давом этаётган 17 ёшгача бўлган футболчилар ўртасидаги жаҳон чемпионатининг 1/8 финал босқичи бошланади. Чемпионатнинг ушбу босқичида Исломбек Исмоилов бошчилигидаги Ўзбекистон терма жамоаси мамлакатимиз вақти билан соат 17:30 да Италия термасига қарши майдонга тушади.

Шунингдек, мундиалнинг нимчорак финалида Уганда — Буркина-Фасо (17:30), Мексика — Португалия (18:00), Бразилия — Франция (18:30), Швейцария — Ирландия (19:45), КХДР — Япония (20:15), Марокаш — Мали (20:45) ва Австрия — Англия (20:45) терма жамоалари ўртасидаги ўйинларга ҳам гувоҳ бўламиз.

Маълумот ўрнида: футболчиларимиз италиялик тенгқурларига қарши ўйинда зафар қучса, чемпионатнинг чорак финали босқичида Уганда — Буркина-Фасо терма жамоалари ўртасидаги ўйин ғолибига қарши майдонга тушади.

Жавоҳир Тошхўжаев, ЎзА