Ўзбекистон термаси Россия жамоаси билан ўртоқлик учрашувини ўтказади
Футбол бўйича Ўзбекистон миллий терма жамоаси Россия терма жамоаси билан ўртоқлик учрашуви ўтказади.
Бу ҳақда Ўзбекистон футбол ассоциацияси хабар тарқатди.
Унда айтилишича, Ўзбекистон-Россия терма жамоасининг ўртоқлик учрашуви 20 ноябрь куни Тошкентда бўлиб ўтади.
Мазкур ўйиндан аввал, яъни жорий йил 16 ноябрь куни терма жамоамиз Қозоғистон билан ўртоқлик ўйинида майдонга тушади. Ушбу учрашув «Пахтакор» стадионида ташкил этилиши режалаштирилган.
Россия терма жамоаси вакилларимиз билан учрашишдан аввал 17 ноябрь куни Душанбе шаҳрида Тожикистон терма жамоаси билан куч синашади.
Т. Рўзиев, ЎзА