ЎФА Тиббий Қўмита раиси саналган Аброр Пирриев футболчимизнинг жароҳати ҳақида ўз фикрларини билдирди: Ҳусниддин Алиқуловнинг сафдан чиқиши мухлислар дилини анча хира қилди...

Чап тизза бўғимида олинган жиддий жароҳат Ҳусниддинни қарийб бир йилга катта футболдан узоқлаштирадиган бўлди.  Футболчи тиззасидаги олд хочсимон бойлам ва менисклар йиртилиши ҳамда унга ёндош тўқималарнинг шикастланиши малакали жарроҳлик амалиётини талаб қилади. Жарроҳликдан кейинги реабилитация жараёни эса ўта муҳим ва ўртача 6-8 ойни ташкил этади. 

Ушбу ўтказиб юбориладиган 6-8 ой шуни англатадики, у Мундиалда терма жамоамизга ёрдам бера олмайди. 

Ўзбекистон миллий терма жамоаси мудофааси етакчиси саналган Ҳусниддин Алиқулов Туркия Суперлигасининг "Гёзтепе"га қарши баҳсида (19 январь) оғир жароҳат олганди.

"Ризеспор" клуби тиббий комиссияси раиси, профессор Ҳасан Турут ҳам футболчининг соғлиғи борасида расмий маълумот бериб, тиббий текширувлар натижаси кутилганидан ҳам аянчлироқ бўлиб чиққанини, ҳимоячимизнинг чап тиззасида бир йўла бир нечта жиддий шикастланишлар аниқланганини маълум қилган.

Шифокорларнинг қарорига кўра, Алиқулов яқин кунларда жарроҳлик столига ётади. 

Хўш, Ҳусниддин Алиқулов биз учун қанчалик муҳим футболчи? Ушбу видеода футболчимиз ҳақида батафсил маълумот берамиз.

<iframe width="640" height="420" src="https://www.youtube.com/embed/2DFsgwick5E" title="Husniddin Aliqulov Jahon chempionatini o`tkazib yuboradigan bo`ldi." frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Карим Худойқулов, Улуғбек Тўхтаев, ЎзА