Теннис бўйича Ўзбекистон эркаклар терма жамоаси “Дэвис кубоги” жаҳон гуруҳи II плей-офф босқичи доирасида Нигерия термасига қарши сафарда баҳс олиб боради.

7 февраль куни мазкур жамоалар ўртасидаги учрашувлар старт олади. Тўқнашувнинг дастлабки кунида икки яккалик беллашуви бўлиб ўтади. Унда Ҳумоюн Султонов Канис Абуага қарши кортга чиқса, Абдулазиз Усмонжонов Даниел Аделейе билан куч синашади.

8 февраль куни рақобат жуфтликлар учрашуви билан давом этади. Унда Нигерия вакиллари Мишэль Эммануэл – Абубакара Юсуф тандеми Ўзбекистоннинг Илья Игнатов – Сухроб Саидов жуфтлигига қарши майдонга тушади. Шунингдек, зарурат туғилган тақдирда Ҳумоюн Султонов – Даниел Аделейе ҳамда Абдулазиз Усмонжонов – Канис Абуа ўртасида қўшимча яккалик баҳслари ҳам ўтказилиши мумкин.

Маълумот учун, мазкур қарама-қаршилик якунларига кўра ғолиб жамоа “Дэвис кубоги” жаҳон гуруҳи I босқичида иштирок этиш ҳуқуқини қўлга киритади. Мағлуб жамоа эса жаҳон гуруҳи IIдаги ўрнини сақлаб қолади.

Жавоҳир Тошхўжаев, ЎзА