Bugun, 3 iyul kuni Ostona shahrida O‘zbekiston Respublikasi Sport vazirligi, Milliy Olimpiya va Paralimpiya qo‘mitalari rahbariyati Qozog‘iston Turizm va sport vaziri Yerbol Mirzabosinov, Qozog‘iston Milliy Olimpiya qo‘mitasi prezidenti, taniqli bokschi Gennadiy Golovkin hamda Paralimpiya qo‘mitasi prezidenti Kayrat Boranbayev bilan uchrashuv o‘tkazdi.

Uchrashuv davomida hamkorlik aloqalarini yanada rivojlantirish, istiqbolli loyihalarni hayotga tatbiq etish, axborot almashish, kommunikatsiya tizimidagi aloqalarni kengaytirish kabi masalalar muhokama qilindi.

Yillar davomida turli sport turlari bo‘yicha o‘tkazib kelingan qo‘shma o‘quv-mashg‘ulot yig‘inlarini tizimli tashkil etish, yirik musobaqalarga tayyorgarlikni hamkorlikda olib borish borasida tomonlar hamjihat ekanliklari ta’kidlandi.

T.Ro‘ziyev, O‘zA