O‘zbekiston – Qirg‘iziston hamkorligi yanada rivojlanadi
O‘zbekiston Respublikasi tashqi ishlar vazirining o‘rinbosari Bahromjon A’loyev Qirg‘iz Respublikasining mamlakatimizdagi Favqulodda va muxtor elchisi Musa Jamanbayev bilan uchrashdi.
Suhbat chog‘ida Prezident Shavkat Mirziyoyevning joriy yil 26-27 yanvar kunlari Qirg‘iz Respublikasiga amalga oshirgan davlat tashrifi yakuni muhokama qilindi. Oliy darajada erishilgan kelishuvlarni amalga oshirish bo‘yicha qo‘shma chora-tadbirlarga e’tibor qaratildi.
Turli darajada rejalashtirilgan tadbirlar jadvali, tashkiliy jihatlari ko‘rib chiqildi. Muzokarada hududlararo aloqani, shuningdek, madaniyat va ta’lim sohalaridagi hamkorlikni kengaytirish muhimligi qayd etildi.
B.Xudoyberdiyev, O‘zA