Respublika ixtisoslashtirilgan ko‘z mikroxirurgiyasi ilmiy-amaliy tibbiyot markazida O‘zbekiston oftalmologlarning simpoziumi o‘tkazilmoqda. Gibrid formatda o‘tkazilayotgan ushbu simpoziumda tibbiyot markazi va uning tasarrufidagi muassasalar mutaxassislari, chet ellik tajribali oftalmologlar ishtirok etmoqda.

Respublika ixtisoslashtirilgan ko‘z mikroxirurgiyasi ilmiy-amaliy tibbiyot markazi oftalmologiya sohasi bo‘yicha mamlakatimiz aholisiga ixtisoslashgan tibbiy yordamni tashkil etishni muvofiqlashtiruvchi markaz hisoblanadi.  

Tadbirda Markaz faoliyatining asosiy yo‘nalishlari hisoblangan katarakta va glaukoma jarrohligi, rekonstruktiv, shox parda, lazer jarrohligi, bolalar ko‘z mikroxirurgiyasi, plastik xirurgiya, individual ko‘z protezlarini yasash va qo‘yish kabi tibbiy xizmatlarni yanada samarali tashkil etish masalalari muhokama qilinmoqda. Shuningdek, sohadagi so‘ngi yutuqlar, xalqaro tajriba bilan o‘rtoqlashiladi.  

Qosimova, O‘zA