“Round University Ranking (RUR) – RUR Ranking Agency” Россия томонидан нашр этиладиган дунёнинг етакчи университетларини баҳоловчи халқаро рейтинг ҳисобланади.

Ушбу рейтинг 12 йилдан буён дунёнинг 85 та давлатидан 1150 та нуфузли университетни 4 та йўналиш бўйича тақсимланган 20 та кўрсаткич бўйича таққослаб келади.

Булар: ўқитиш, илмий тадқиқотлар, халқаро хилма-хиллик ва молиявий барқарорлик.

15 июнь куни “Round University Ranking” халқаро рейтинг агентлигининг 2021 йил учун натижалари эълон қилинди.

Мирзо Улуғбек номидаги Ўзбекистон Миллий университети ушбу рейтингда 2 та йўналиш бўйича иштирок этиб, World University Ranking да 742 ўрин, Natural Science, яъни табиий фанлар йўналиши бўйича эса 642 ўринни эгаллади.

Шунингдек, Ломоносов номидаги Москва давлат университети 91- ўрин, Томск давлат университети 103- ўрин, Ал-Фаробий номидаги Қозоғистон Миллий университети 577- ўрин, Кореянинг Инха университети эса 596- поғоналарни эгаллашди.  

Файзулло Яҳёев,  ЎзА